ਹੌਂਕਿਆਂ ਸੰਗ ਜੀਣ ਦਾ ਸੁਭਾਅ ਹੋ ਗਿਆ ,
ਸਾਡਾ ਹੰਝੂਆਂ ਦੇ ਨਾਲ ਹੀ ਨਿਭਾਅ ਹੋ ਗਿਆ।
ਪਲਕੀਂ ਬਿਠਾਇਆ ਉਹਨੂੰ,ਰੱਬ ਜਾਣਕੇ,
ਖੌਰੇ ਕਿਹੜੀ ਗੱਲੌਂ,ਬੇਵਫਾ ਹੋ ਗਿਆ।
ਮਾਇਆ ਚੰਦਰੀ ਦਾ ਐਸਾ ਜੋਰ ਪੈ ਗਿਆ,
ਨੌਹਾਂ ਨਾਲੌ ਮਾਸ ਭੀ ਜੁਦਾ ਹੋ ਗਿਆ।
ਕੀਹਦੇ ਕੋਲੇ ਸ਼ਿਕਵੇ ਸ਼ਿਕਾਇਤਾਂ ਕਰੀਏ,
ਪਥੱਰਾਂ ਚ ਪਥੱਰ ਖੁਦਾ ਹੋ ਗਿਆ।
ਫੋਕੀਆਂ ਇਹ ਸ਼ੌਹਰਤਾਂ ਨੂੰ ਕੀ ਚੱਟੀਏ,
ਪਿਆਰ ਬਾਝੌਂ ਜੀਵਨ ਖੋਖਲਾ ਹੋ ਗਿਆ।
ਯਾਰੀਆਂ ਵੀ ਲਾਈਂਆ ਪੱਗਾ ਵੀ ਵਟਾਈਆਂ ਸੀ,
ਭੀੜ ਪਈ ਤਾਂ ਚੰਦਰਾ ਹਵਾ ਹੋ ਗਿਆ।
ਕੀਹਦੇ ਗਲ ਲੱਗ ਮਨ ਹੋਲਾ ਕਰੀਏ।
ਆਪਣਾ ਪਿਆਰਾ ਓਪਰਾ ਹੋ ਗਿਆ