ਆਖਿਰ ਮੁਹੱਬਤ ਦਾ ਇਹੀ ਅੰਜਾਮ ਹੋਣਾ ਸੀ ।
ਇਸ਼ਕ ਮੇਰਾ ਇੱਕ ਦਿਨ ਨਾਕਾਮ ਹੋਣਾ ਸੀ ।
ਮਸ਼ਹੂਰ ਹੋਣਾ ਸੀ ਉਸ,ਉਹਦਾ ਮੁਕੱਦਰ ਸੀ,
ਲੇਖੀਂ ਸਾਡੇ ਲਿਖਿਆ ਬਸ ਬਦਨਾਮ ਹੋਣਾ ਸੀ ।
ਦਿਲ ਦੇ ਵਿਹੜੇ ਉਹ ਕਈ ਸਾਲ ਰਿਹਾ ਭਾਵੇਂ,
ਫਿਰ ਵੀ ਇੱਕ ਦਿਨ ਉਸਨੇ ਮਹਿਮਾਨ ਹੋਣਾ ਸੀ ।
ਮੈਂ ਮੁਜ਼ਰਮ ਹਾਂ ਜਾ ਨਹੀਂ ਇਹ ਛੱਡੋ ਯਾਰੋ,
ਤੈਅ ਸੀ ਸਿਰ ਸਾਡੇ ਇੰਲਜ਼ਾਮ ਹੋਣਾ ਸੀ ।
ਇਸ਼ਕ ਵਿੱਚ ਹਾਰਿਆਂ ਦੀ ਦਵਾ ਹੋਰ ਕੀ ਹੋਵੇ,
ਸਾਥੀ ਸਾਕੀ ਤੇ ਹੱਥ ਵਿੱਚ ਜਾਮ ਹੋਣਾ ਸੀ ।
ਬਰਾੜ”ਲਿਖ ਸਕਦਾ ਜੇ ਕੁਝ ਤੇਰੇ ਨਾਮ ਤੇ,
ਸ਼ਿਅਰ ਮੇਰਾ ਹਰ ਇੱਕ ਤੇਰੇ ਨਾਮ ਹੋਣਾ ਸੀ ।