ਘਨਘੋਰ ਘਟਾਵਾਂ ਛਾਈਆਂ ਨੇ !
ਖੇਤਾਂ ਦੇ ਵਿੱਚ ਮੋਰਾਂ ਨੇ ਵੀ ਰਲ ਕੇ ਪੈਲਾਂ ਪਾਈਆਂ ਨੇ !
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਰਬ ਕਰੇ ਇਹ ਸਾਰੀ ਬਾਰਿਸ਼ ਮੇਰੇ ਦਿਲ ਦੇ ਵਿਹੜੇ ਵਰ੍ਹ ਜਾਵੇ !
ਹੂੰਝ ਲਵੇ ਸਭ ਬਚੀਆਂ ਯਾਦਾਂ, ਕੰਮ ਕੋਈ ਐਸਾ ਕਰ ਜਾਵੇ !
ਗਰਜਦੇ ਬਦਲ ਤੱਕ ਕੇ ਜਾਪੇ ਕਿ ਇਹ ਕੁੱਝ ਨਾ ਕੁੱਝ ਤਾਂ ਧੋਵੇਗੀ !!
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਇਸ ਬਾਰਿਸ਼ ਪਿਛੋਂ ਬੀ ਫੁਆਰੇ ਦਰਦਾਂ ਦੇ ਇੱਕ ਇੱਕ ਕਰ ਕੇ ਫੁੱਟਣਗੇ !
ਘੇਰ ਕੇ ਮੈਨੂੰ ਕੱਲਾ ਕਿਧ੍ਹਰੇ, ਮੇਰੇ ਆਸੇ ਪਾਸੇ ਜੁੱਟਣਗੇ !
ਕੋਈ ਵੇਲ੍ਹ ਦਰਦਾਂ ਦੀ ਨਿਕਲ ਕੇ ਰੂਹ ਮੇਰੀ ਨਾਲ ਲਿਪਟ ਕੇ ਸੋਵੇਗੀ !!
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਜਾਂ ਫਿਰ ਮੈਂ ਜਾ ਕੇ ਕਿਸੇ, ਖੁੱਲੇ ਮੈਦਾਨ ਚ' ਖਲੋਵਾਂਗਾ !
ਘੁਲ ਜਾਵਣਗੇ ਮੇਰੇ ਹੰਙੂ ਮੀਂਹ ਵਿਚ , ਮੈਂ ਜੀ ਭਰ ਕੇ ਰੋਵਾਂਗਾ !
ਪਤਾ ਹੈ ਮੈਨੂ ਅੱਜ ਉਹ ਵੀ ਕਿਧਰੇ, ਇੰਜ਼ ਮੇਰੇ ਵਾਂਗ ਹੀ ਰੋਵੇਗੀ !!
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਸੱਜਣਾਂ ਸੰਗ ਜੋ ਦਿਨ ਸੀ ਬੀਤੇ, ਲਗਦੈ ਯਾਦ ਕਰਾਓੂ ਬਾਰਿਸ਼ !
ਮੈਨੂ ਉਸਤੋਂ ਵੱਖ ਹੋਵਣ ਦਾ, ਅੱਜ ਰੱਜ ਕੇ ਅਹਿਸਾਸ ਕਰਾਓੂ ਬਾਰਿਸ਼ !
ਫਿਰ ਆ ਕੇ ਮੇਰੇ ਸਪਨੇ ਦੇ ਵਿਚ , ਕੋਲ ਉਹ ਮੇਰੇ ਖਲੋਵੇਗੀ !!
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਉਹਨੇ ਦਿਲ ਚੋਂ ਮੈਨੂ ਕੱਢ ਦਿੱਤਾ , ਮੈਂ ਭੁਲਾ ਓਸ ਨੂੰ ਪਾਇਆ ਨਹੀਂ !
ਮੇਰੇ ਦਿਲ ਚ ਪਈ ਉਹਦੀ ਥਾਂ ਖਾਲੀ, ਕੋਈ ਬੈਠ ਓਸ ਥਾਂ ਪਾਇਆ ਨਹੀਂ !
ਦਿਲ ਕਹਿੰਦਾ ਕਿਸੇ ਦਿਨ ਉਹ ਆਪੇ ਹੀ ਇਸ ਖਾਲੀ ਥਾਂ ਨੂ ਟੋਹੇਗੀ !!
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਮੈਂ ਬਾਰਿਸ਼ ਹਟੀ ਤੋਂ ਰਲ ਬੱਚ੍ਹਿਆਂ ਸੰਗ, ਬੋਙੁਾ ਆਪਣੇ ਸਿਰ ਦਾ ਉਤਾਰ ਦੇਊਂ !
ਬਣਾ ਕਿਸ਼ਤੀ ਉਹਦੇ ਖਤਾਂ ਦੀ ਮੈਂ, ਇੱਕ ਇੱਕ ਕਰਕੇ ਹਾੜ ਦੇਊਂ !
ਕੋਈ ਨਿੱਕੀ ਬੱਚੀ ਸੰਗ ਸ਼ਰਾਰਤ ਦੇ, ਜਦ ਕਿਸ਼ਤੀਆਂ ਓਹੋ ਡੁਬੋਏਗੀ !!
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਉਹਨੂ ਜਦ ਗਲਤੀ ਦਾ ਅਹਿਸਾਸ ਹੋਊ , ਸਭ ਛੱਡ ਛਡਾ ਕੇ ਆਊਗੀ !
ਮੈਂ ਰੱਜ ਕੇ ਕਰਨੇ ਨਖਰੇ ਨੇ, ਹੱਥ ਜੋੜ ਕੇ ਮੈਨੂ ਮਨਾਊਗੀ !
ਉਦੋਂ ਲਾ ਕੇ ਹਿੱਕ ਨਾਲ ਉਹ , ਹੰਝੂਆਂ ਦੇ ਹਾਰ ਪਰੋਵੇਗੀ !!
ਅੱਜ ਲਗਦੈ ਬਾਰਿਸ਼ ਹੋਵੇਗੀ !
ਅੱਜ ਲਗਦੈ ਬਾਰਿਸ਼ ਹੋਵੇਗੀ !