ਹੋਣੀ ਦਾ ਸਿਲਸਿਲਾ,
ਕਰਮਾ ਦਾ ਫਲਸਫਾ,
ਸਭ ਕਿਸਮਤਾਂ ਦੇ ਸੌਦੇ,ਰਸਮਾਂ ਦਾ ਸਭ ਸਿਲਾ
ਹੋਣੀ ਦਾ ਸਿਲਸਿਲਾ,
ਕਰਮਾ ਦਾ ਫਲਸਫਾ,
ਕੁਝ ਲਿਪਿਆ ਕੁਝ ਪੋਚਿਆ,
ਤੇਰੀ ਰਜ਼ਾ ਚ ਰਹਿ ਸਭ ਸੋਚਿਆ,
ਮਿੱਟੀ ਚ ਮਿੱਟੀ ਹੋਈ ਹੱਥਾਂ ਦੀ ਸਭ ਕਲਾ,
ਹੋਣੀ ਦਾ ਸਿਲਸਿਲਾ…….
ਜੋ ਚਾਹਿਆ ਨਾ ਪਾਇਆ,
ਲੋਕਾਂ ਸਭ ਖੋਹ ਦਿਖਾਇਆ,
ਸੱਧਰਾਂ ਦਾ ਦਿਲ ਦੇ ਵਿੱਚ ਹੀ
ਖੁਦ ਘੁਟਿਆ ਗਲਾ,
ਹੋਣੀ ਦਾ ਸਿਲਸਿਲਾ…….
ਹੱਕ ਦੀ ਕਮਾਵਾਂ ਰੋਟੀ,
ਨਾ ਮੂੰਹ ਚ ਪੈਂਦੀ ਬੋਟੀ,
ਜੀਹਨੂੰ ਅੱਖਾਂ ਤੇ ਬਿਠਾਇਆ,
ਗਿਆ ਰੇਤ ਚ ਮਿਲਾ,
ਹੋਣੀ ਦਾ ਸਿਲਸਿਲਾ…….
ਕਦੇ ਕਦੇ ਲੱਗਦਾ ਇਹ ਰੱਬ ਵੀ ਅਮੀਰਾਂ ਦਾ,
ਏਥੇ ਦਿਲਾਂ ਦੀ ਨਾ ਗੱਲ ਸਭ ਖੇਡ ਹੈ ਸਰੀਰਾਂ ਦਾ,
ਬਰਾੜ ਇਹ ਸਰੀਰ ਵੀ ਦੇਣਾ ਅੱਗ ਨੇ ਜਲਾ,
ਹੋਣੀ ਦਾ ਸਿਲਸਿਲਾ,
ਕਰਮਾ ਦਾ ਫਲਸਫਾ,
ਸਭ ਕਿਸਮਤਾਂ ਦੇ ਸੌਦੇ,ਰਸਮਾਂ ਦਾ ਸਭ ਸਿਲਾ