ਮੈਂ ਖੁਦ ਨਹੀਂ ਕੀਤੀ ਵਫਾ ਕਿਸੇ ਨਾਲ।
ਪਰ ਹੋਰਾਂ ਤੋਂ ਰਿਹਾਂ ਹਾਂ ਵਫਾਦਾਰੀ ਭਾਲ।
ਕੰਨ ਪੜਵਾ ਕੇ ਰਾਝਾਂ ਨਹੀਂ ਕੋਈ ਬਣ ਜਾਂਦਾ,
ਔਖਾ ਬੜਾ ਹੈ ਵੱਗ ਚਰਾਉਣਾ ਬਾਰਾਂ ਸਾਲ।
ਇਹ ਤਾਂ ਸਬ ਸਾਡੇ ਮਾਸ ਖਾਣ ਦੇ ਬਹਾਨੇ,
ਗਊ ਬੱਕਰਾ ਨਾ ਜਾਣੇ ਕੀ ਝਟਕਾ ਹਲਾਲ।
ਉਸ ਰੱਬ ਨੇ ਤਾਂ ਸਬ ਨੂੰ ਸੀ ਬੰਦੇ ਬਣਾਇਆ,
ਅਸੀਂ ਖੁਦ ਬਣ ਬੇਠੈ ਰਾਮ,ਸਿੰਘ ਤੇ ਜ਼ਮਾਲ।
ਕੁੱਤੀ ਸ਼ਰੇਆਮ ਚੋਰਾਂ ਤੋਂ ਰਿਸ਼ਵਤ ਪਈ ਖਾਂਦੀ,
ਦੱਸੋ ਰਾਤ ਨੂੰ ਉਹ ਭੌਕੂਂ ਹੁਣ ਕਿਹੜੇ ਮੂੰਹ ਨਾਲ।
ਇੱਕ ਕਤਰਾ ਵੀ ਉਤੱਰੀ ਨਾ ਮੈਲ ਮੇਰੇ ਮਨ ਤੋਂ,
ਮਾਲਾ ਫੇਰਦੇ ਨੂੰ ਹੋਗੇ ਨੇ ਮੇਨੂੰ ਕਈ ਸਾਲ