ਦਿਲਾਂ ਵਿੱਚ ਦੂਰੀਆਂ ਜੇਕਰ ਹੋਠੀਂ ਮੁਸਕਾਨ ਕੀ ਕਰੀਏ?
ਖੁਦ ਵਿਚ ਗੁੰਮ ਗਏ ਖੁਦ ਦੀ ਭਲਾ ਪਹਿਚਾਣ ਕੀ ਕਰੀਏ?
ਰੁਖ ਹਾਂ ਲਰਜਦਾ ਹਾਂ ਝੂਲਦਾ ਹਾਂ ਮੇਰੀ ਸ਼ਾਨ ਵੱਖਰੀ ਹੈ ?
ਮਿੱਟੀ ਤੋਂ ਲਈ ਖੁਦਾਈ ਪਰ ਜੜ੍ਹਾਂ ਦਾ ਮਾਨ ਕੀ ਕਰੀਏ?
ਗਰੀਬੀ ਤੇ ਫਟੇਹਾਲੀ, ਮਲੰਗੀ ਬਾਦਸ਼ਾਹੀ ਸਾਡੀ,
ਕਾਹਨਾ ਰੰਗ ਮਹਿਲਾਂ ਦੀ ਤੇਰੀ ਸੌਗਾਤ ਕੀ ਕਰੀਏ?
ਹੁਸਨ ਓ ਜਲਾਲ ਦੇ ਤੇਰੇ ਵਪਾਰੀ ਬਹੁਤ ਬੈਠੇ ਹਨ,
ਬਜਾਰ ਇਸ਼ਕ ਦਾ ਲੱਗਾ ਮੇਰੇ ਜ਼ਜ਼ਬਾਤ ਕੀ ਕਰੀਏ?
ਆਈ ਬਹਾਰ ਤੇ ਉਹੀ ਨੇ ਸਾਥੋਂ ਦੂਰ ਜਾ ਬੈਠੇ,
ਹਾਏ ਕੀ ਮਿਲ਼ਨ ਰੁੱਤ ਕਰੀਏ ਮਿਲਨ ਦੀ ਰਾਤ ਕੀ ਕਰੀਏ?
ਇਹ ਖੰਡਰ ਹਨ ਖਾਮੋਸ਼ੀ ਦੇ ਕਿਸੇ ਨਹੀਂ ਥਿਰਕਣਾ ਏਥੇ,
ਕਿਸੇ ਨਾ ਕੰਮ ਤੇਰਾ ਰਾਗ ਤੇਰੇ ਇਹ ਸਾਜ ਕੀ ਕਰੀਏ?
ਉਹ ਕਹਿੰਦੀ ਆ ਜਾ ਨਿੱਤਰ ਕੇ ਜੇ ਤੇਰੀ ਜੇਬ ਵਿੱਚ ਦਮ ਹੈ,
ਕੀ ਫੂਕਣਾ ਮੈਂ ਸ਼ਿਅਰਾਂ ਨੂੰ ਤੇਰੀ ਇਹ ਬਾਤ ਕੀ ਕਰੀਏ?
ਜੱਟ ਮੂੜ੍ਹ ਹੈ ਔਲ਼ਖ ਉਡਾਰੀ ਹੈ ਨਈਂ ਸ਼ਿਅਰਾਂ ਵਿੱਚ,
ਗ਼ਜ਼ਲ ਵਿਧਾਨ ਨਈਂ ਸਿਖਿਆ ਗ਼ਜ਼ਲ ਦਾ ਘਾਤ ਕੀ ਕਰੀਏ?