ਅਲਵਿਦਾ ਕਹਿ ਗਿਆ ਓਸ ਜਨਾਬ ਦੀ ਗੱਲ ਚਲਦੀ ਰਹੀ
ਕੱਲ ਸ਼ਾਮ ਸਾਰੀ ਓਹਦੇ ਸ਼ਬਾਬ ਦੀ ਗੱਲ ਚਲਦੀ ਰਹੀ
ਪਤਾ ਨਹੀਂ ਓਹ ਕੁੜੀ ਝਨ੍ਹਾਂ ਚ ਕਿਉਂ ਡੁੱਬੀ
ਜਿਸ ਘੜ੍ਹੇ ਤੇ ਪੰਜਾਬ ਦੀ ਗੱਲ ਚਲਦੀ ਰਹੀ
ਬਹੁਤ ਕੁਝ ਲਿਖਿਆ ਸੀ ਜਿਸ ਵਿਚ ਓਹਦੇ ਹੁਸਨ ਬਾਰੇ
ਓਸ ਇਸ਼ਕ-ਏ-ਕਿਤਾਬ ਦੀ ਗੱਲ ਚਲਦੀ ਰਹੀ
ਕਿੰਨੇ ਕੁ ਪੁੰਗਰਨੇ ਨੇ ਫੁੱਲ ਹੋਟੀਂ ਓਹਦੇ
ਦਿੱਲ ਚ ਏਸੇ ਹਿਸਾਬ ਦੀ ਗੱਲ ਚਲਦੀ ਰਹੀ
ਓਹ ਜੋ ਖਿੜ੍ਹਿਆ ਸੀ ਕੁਆਰੀ ਦੀ ਕਬਰ ਉੱਤੇ
ਰਾਤੀਂ ਓਸੇ ਗੁਲਾਬ ਦੀ ਗੱਲ ਚਲਦੀ ਰਹੀ
ਜਿਸ ਦੇ ਪੀਤਿਆਂ ਸਰੂਰ -ਏ-ਮੁਹੱਬਤ ਸੀ ਖਿੜ੍ਹਦੀ
ਜਾਮਾਂ ਚ ਓਸ ਸ਼ਰਾਬ ਦੀ ਗੱਲ ਚਲਦੀ ਰਹੀ